Alpinvettreglane
Alpinanlegga jobbar med at du skal vere trygg i bakken, men du må også tenkje tryggleik sjølv. Ta ein titt på desse skivettreglane.
- Køyr forsiktig slik at du ikkje skadar deg sjølv eller andre. Bruk verneutstyr.
- Tilpass farten etter forholda.
- Dersom du kjem ovanfrå eller bakfrå, er det ditt ansvar å unngå kollisjon.
- Ver forsiktig ved forbikøyring, sving godt utanom den andre.
- Det er forbode å køyre rett utfor, unnateke ved organisert trening.
- Ikkje stopp på uoversiktlege stader.
- Sjå deg godt for når du køyrer inn i ein nedfart, til dømes etter eit stopp.
- Om du går i bakken; bruk ytterkantane.
- Det er påbode med skistopparar eller fangreimer – kontroller at bindingane er riktig innstilte.
- Følg skilting, merking og tilvisingar.
- Dersom du ser nokon som skadar seg, er det di plikt å hjelpe.
