Ver kjeldekritisk
Krisesituasjonar er uoversiktlege, og informasjonen du får, påverkar vala du tek. Ved å vere kjeldekritisk kan du unngå å bli lurt av falske nyhende, og du kan bidra til å stoppe spreiing av feilinformasjon.
Råd om kjeldekritikk
- Søk informasjon frå styresmakter og redaktørstyrte journalistiske medium.
- Ver ekstra på vakt når du får informasjon som overraskar, skremmer eller gjer deg sint.
- Sjekk kven som står bak informasjonen du får. Enkelte kan spreie feilinformasjon med vilje.
- Ver merksam på at både tekst, lyd, bilete og video kan manipulerast.
- Tenk over kva informasjon du deler vidare.
I kriser kan feilinformasjon lett spreie seg. Dette kan skje fordi krisa i seg sjølv skaper forvirring og mistydingar, eller fordi nokon spreier feilinformasjon med vilje – til dømes for å skiple samfunnet. Då gjeld det at du er nøye med å sjekke kjeldene du får informasjon frå, og tenkjer over kva informasjon du deler vidare.
Les meir på nettsidene til Medietilsynet om korleis du kan avsløre desinformasjon og falske nyhende.
