Familie med full handlevagn og barn som bærer vatnbeholdar — Foto: Ivar Kvaal/DSB

Mat du bør ha i hus i tilfelle krise

I ei krise er det ikkje sikkert at du får handla mat i butikken slik du plar. Difor bør du ha nok mat til å fø alle i hushaldet i éi veke.

Råd om mat

Pass på at du har litt ekstra av den maten du et til vanleg. Ved å handle før du går tom, sikrar du at du alltid har eit lager i bakhand.
Ha ekstra matvarer som kan lagrast i romtemperatur og har lang haldbarheit. Slike varer kan vere knekkebrød, havregryn, hermetiske linser og bønner, påleggshermetikk, energibarar, tørka frukt, sjokolade, honning, kjeks og nøtter.
Døme på mat som har lang haldbarheit og krev varmebehandling, er pasta, ris, posesuppe, mjøl, middagshermetikk og frysetørka mat.
Ta høgde for eventuelle matvarer som personar i hushaldet er avhengige av eller ikkje toler.
Viss du har tenkt å lage mat på stormkjøken, gassbluss eller gassgrill, bør du sjekke med jamne mellomrom at utstyret fungerer og er i god stand.

Tenk gjennom korleis du skal lage mat dersom straumen eller vatnet blir borte. 

Mange av oss har allereie ein god del av det vi treng for å klare oss på eiga hand i nokre dagar, så det er ofte ikkje så mykje som skal til for å kome heilt i mål.